बुधबार, कार्तिक ०५, २०७७
GokarnaNews

आलाइन खबर हवको दैनिकी समाचार भदौ ५

युभेन्टसद्धारा लिक्सी ४–० गोल अन्तरले पराजित

युभेन्टसद्धारा लिक्सी ४–० गोल अन्तरले पराजित

काठमाडौं – क्रिष्टियानो रोनाल्डोले गोल गरेको खेलमा युभेन्टसले लिक्सीविरुद्ध फराकिलो जित हात पारेको छ । शुक्रबार राति भएको खेलमा युभेन्टसले लिक्सीलाई ४–० गोल अन्तरले पराजित गरेको हो ।

जीतसँगै सिरी ए मा युभेन्ट्सले दोस्रो स्थानको लाजियो भन्दा ७ अंकको अग्रता बनाएको छ ।

खेलको ३१ औं मिनेटमा लिक्सीका फावियो लुसिवनीले युभेन्टसका खेलाडीमाथि फाउल गरेपछि उनले रातो कार्ड पाएका थिए । ३१ मिनेटदेखि नै लिक्सी १० खेलाडीमा सीमित भए ।

लिक्सीले युभेन्ट्ससँग पहिलो हाफसम्म भने गोलरहित बराबरी खेलेको थियो । तर, दोस्रो हाफमा सम्हालिन नसक्दा ४ गोल खान पुग्यो ।

युभेन्ट्सको जीतमा पाउलो डिबेलाले खेलको ५३ औं मिनेटमा गोल गर्दै टिमलाई अग्रता दिलाएका थिए भने ६२ मिनेटमा रोनाल्डोले गोल गर्दै दोहोरो अग्रता बनाएका थिए ।

२–० ले अघि रहेको युभेन्ट्सका लागि गोन्जालो हिग्वीनले ८३ औं मिनेटमा गोल गरे भने म्याथिज डि लिग्टले ८५ औं मिनेटमा गोल गरेपछि लिक्सी ४–० ले पराजित हुन पुगेको हो ।

जितसँगै युभेन्ट्सले २८ खेलबाट ६९ अंक जोडेको छ भने पराजित लिक्सी २८ खेलबाट २५ अंकसहित अंक तालिकाको १८ औं स्थानमा छ ।

आलाइन खबर हवको दैनिकी समाचार भदौ ५

सम्बन्धित समाचारहरु

वडा समाचारहरु