मङ्गलबार, बैशाख २८, २०७८
GokarnaNews

आलाइन खबर हवको दैनिकी समाचार भदौ ५

यो वर्षलाई टर्यो नेपालमा सलहको प्रकोप

काठमाडौँ – नेपालमा यो वर्ष सलह किराको प्रकोप नदेखिने कृषि तथा पशुपंक्षी मन्त्रालयले गठन गरेको विशेष कार्यदलले निष्कर्ष निकालेको छ ।

मन्त्रालय अन्तर्गतको प्लान्ट क्वारेन्टाइन एवम् विषादी व्यवस्थापन केन्द्रका प्रमुख सहदेवप्रसाद हुमागाईंको संयोजकत्वमा गठित समितिले विज्ञहरुसँगको परामर्शमा नेपालमा यो वर्ष सलहको प्रकोप नपर्ने निष्कर्षसहितको प्रतिवेदन बुझाएको हो ।

यो वर्ष सलहको हुल नेपाल नआए पनि आउँदा वर्षका लागि भने सावधानी अपनाउनु पर्ने प्रतिबेदनमा उल्लेख छ ।

वायुको वेगसँग सापेक्ष भएर उड्ने भएकाले यो वर्ष अफ्रिकाबाट भारतसम्म आइपुगेका सलहको हूल नेपाल आउने खालको मौसमी प्रणाली हाललाई नरहेको कार्यदलको निष्कर्ष छ।

विशेष समितिका संयोजक हुमागाईँका अनुसार सलहबारे लामो समयदेखि अध्ययन गरेका र उनीहरुको मार्गको पूर्वानुमान गर्ने विज्ञहरुसँगको परामर्श तथा मौसमी अवस्थाको विश्लेषणमा आधारित हुँदा यो वर्ष सलह नेपाल आउने सम्भावना छैन ।