बिहिबार, जेठ १५, २०७७
GokarnaNews

नेकपा र कांग्रेस कार्यकर्ताबीच झडप हुँदा गोली चल्यो,दर्जन बढी घाइते

नेकपा र कांग्रेस कार्यकर्ताबीच झडप हुँदा गोली चल्यो,दर्जन बढी घाइते

काठमाडौं – सिरहामा राहतको विषयमा नेकपा र कांग्रेसका कार्यकर्ताबीच भएको झडपमा गोली चलेको छ।

गोली लागेर नरहा गाउँपालिकाका ५५ वर्षीय अख्तर मण्डल गम्भीर घाइते भएको सिरहा प्रहरीले जनाएको छ। उनीसँगै गम्भीर घाइते तीन जनालाई उपचारका लागि विराटनगर लगिएको छ।

आफ्ना कार्यकर्तालाई मात्रै राहत बाँडेको भन्दै कांग्रेस र समाजवादीका कार्यकर्ता प्रदर्शनमा उत्रिएका थिए। उनीहरुमाथि नेकपाका वडाध्यक्ष पक्षले गोली चलाएको स्थानीयको आरोप छ।

नरहा गाउँपालिकाका अध्यक्ष रामशरण यादवले राहतको विषयमा आफ्ना वडाध्यक्षमाथि कांग्रेस र समाजवादीका कार्यकर्ताले आक्रमण गरेपछि गोली चलेको बताए।

तर, कसले गोली चलाएको भन्नेबारे आफूलाई जानकारी नभएको उनको भनाइ छ।

झडपमा दुवै पक्षका करिब डेढ दर्जन घाइते भएको सिरहाका प्रहरी प्रवक्ता डिएसपी विनोद घिमिरेले बताए।

सम्बन्धित समाचारहरु

वडा समाचारहरु