बिहिबार, जेठ १५, २०७७
GokarnaNews

गुल्मीका कोरोना संक्रमितको शव ३१ घण्टापछि नेपाली सेनाले उठायो

गुल्मीका कोरोना संक्रमितको शव ३१ घण्टापछि नेपाली सेनाले उठायो

काठमाडौं– गुल्मीका कोरोना संक्रमित ४१ वर्षीषा पुरुषको शव ३१ घण्टापछि अस्पतालबाट उठेको छ ।

जिल्ला प्रहरी कार्यालयका प्रवक्ता खड्क बहादुर खत्रीका अनुसार क्रिमसन अस्पताल, नेपाली सेनाको टोलीले शव व्यवस्थापन गरेको हो ।

‘जिल्ला प्रशासन कार्यालयको रेखदेखमा अस्पताल प्रशासन र नेपाली सेना र नेपाल प्रहरीले उनको शव व्यवस्थापन गरेको जिल्ला प्रहरी कार्यालय रुपन्देहीका प्रवक्ता खत्रीले बताए ।

क्रिमसन अस्तालका अध्यक्ष चिंतामणी पाण्डेका अनुसार नेपाली सेना र प्रहरीको सहयोगमा कोरोना संक्रमतिको शव शुक्रबार दिउँसो २ बजे अस्पतालबाट उठाइएको हो ।

शव व्यवस्थापनको जिम्मेवारी लिने निकायले ढिलाइ गर्दा ३१ घण्टापछि मात्र शव उठेको उनले बताए ।

‘कोरोना संक्रमतिको शव त जतिसक्दो छिठो व्यवस्थापन हुनुपर्ने थियो, तर हाम्रो अस्तपताल कोरोनाका बिरामी हेर्ने भनेर छुट्याइएको अस्पताल होइन, त्यसैले शव व्यवस्थापनको जिम्मेवारी स्थानीय तहको थियो,’अस्पतालका अध्यक्ष पाण्डेले भने, ‘स्थानीय प्रशासनले हिजो शव व्यवस्थापनको तयारी गर्न ढिला गर्दा शव उठ्न ढिलो भयो ।’

अस्पताल प्रशासन र स्थानीय प्रशासनले शव व्यवस्थापन गरेपछि मृतकका आफन्तले भने अस्पतालको लापरबाहीले कोरोना संक्रमितको मृत्यु भएको भन्दै छानवीनको माग गर्दै आएका छन् ।

सम्बन्धित समाचारहरु

वडा समाचारहरु