बिहिबार, जेठ १५, २०७७
GokarnaNews

सम्झौता

सम्झौता
  • प्रकाश अधिकारी

एउटै बनोस् विचार
उस्तै बनुन् रहरहरु
सधैं अन्त्य बिहिन
सुरुवात होस् ।

जूनले झैं रातलाई पनि
उज्यालो बनाउँन सकोस् ।

यादका तरेलीहरुमा
स्वच्छन्द
निस्वार्थ बगिरहने
यस्ता क्षणहरु पनि हुँन्
समयको बाढीले
बगाउँन नसकोस्
हुरी बतास र चट्याङ्मा परेर
घाइते नबनोस्
तिम्रो र मेरो
सपनाको घर ।

हरपल
आँखामा रहिरहुँन्
आफैँले छुट्याउँला
सहमती र असहमती
कसैले गिरफ्तार गर्न नसकोस्
तिमीले र मैले कोरेका
आँखा र मुटुको चित्रहरु
इतिहासको सङ्ग्रालयमा
झुण्ड्याउँला एक दिन
तिम्रो र मेरो सम्झौतामा ।।

सम्बन्धित समाचारहरु

वडा समाचारहरु