बिहिबार, चैत २०, २०७६
GokarnaNews
maya education initaitives

सवारी दुर्घटनामा गम्भीर घाइते मैनालीलाई हेलिकोप्टर मार्फत काठमाडौं ल्याइयो,ग्राण्डीमा उपचार हुँदै

सवारी दुर्घटनामा गम्भीर घाइते मैनालीलाई हेलिकोप्टर मार्फत काठमाडौं ल्याइयो,ग्राण्डीमा उपचार हुँदै

काठमाडौं– महोत्तरीको बर्दिबासमा सवारी दुर्घटनामा गरी गम्भीर घाइते भएका नेकपा मालेका महासचिव एवं पूर्व उपप्रधानमन्त्री सीपी मैनालीसहित घाइतेलाई थप उपचारका लागि हेलिकोप्टर मार्फत काठमाडौं ल्याइएको छ ।

नेपाली सेनाको हेलिकप्टरबाट ल्याइएका घाइतेलाई काठमाडौंको ग्राण्डी हास्पिटल लगिएको हो । मैनालीको अवस्था गम्भीर रहेको कारण बर्दिबासमा उपचार सम्भव नभएपछि नेपाली सेनाको हेलिकप्टरबाट काठमाडौँ ल्याइएको थियो ।

नेपाली सेनाको ठूलो हेलिकोप्टर ग्राण्डी अस्पतालमा ल्याण्ड हुन नसक्ने भएपछि घाइते मैनाली सवार हेलिकोप्टरलाईलाई त्रिभुवन विमानस्थलमा अवतरण गराई अस्पताल लगिएको हो ।

विमानस्थलमा ग्राण्डी अस्पतालबाट डा सुरज ज्ञवालीको टीम पुगेको थियो ।

बिहीबार दिउँसो झापाबाट काठमाडौं जाँदै गरेको बा ७ च २१२० नम्बरको कारलाई पृथ्वी राजमार्ग अन्तर्गत महोत्तरीको बर्दिबासमा विपरीत दिशाबाट आउँदै गरेको ना ४ च ७६६८ नम्बरको पिकअप भ्यानले ठक्कर दिएको थियो ।

दुर्घटनामा मैनालीका छोरा सरोज मैनाली, बुहारी पूजा मैनाली, नाति पीएन मैनाली र चालक रामप्रसाद पौडेल पनि घाइते भएका छन्।

सम्बन्धित समाचारहरु

वडा समाचारहरु