सोमबार, चैत १७, २०७६
GokarnaNews
OnlineKhabarHub
maya education initaitives

यस्ता छन् बिद्युतीय गाडीबारे भ्रम र तथ्य

यस्ता छन् बिद्युतीय गाडीबारे भ्रम र तथ्य

काठमाडौं– संसारभर विद्युतीय कारको प्रयोग बढ्दै गइरहेको छ । द इन्टरनेशनल एनर्जी एजेन्सीका अनुसार सन् २०३० सम्ममा विश्वभर १२.५ करोड विद्युतीय कारहरु गुड्नेछन् ।

यस प्रकारका कारहरु वातावरण मैत्री हुने भएकाले यसको माग र उपयोगको क्रम बढ्दै गएको छ । तर पनि आम मानिसमा बिद्युतीय कारहरुका बारेमा केहि भ्रमहरु पाइन्छन् ।

तर ती हल्लामा कुनै तथ्य पाइन्नन्। यस्ता छन् विद्युतीय गाडीबारेका भ्रम र यथार्थ –

चार्जमा समस्या
बिद्युतीय कारहरु उत्पादन गर्ने कम्पनीहरु यसको चार्जरलाई बनाउने काममा लागेका छन् ।

यस्ता कारहरुको प्रयोग बढेसँगै यसको लागि चाहिने चार्जर र चार्जिंग स्टेशनहरु निर्माणको कामहरु संसारभर नै तीब्र गतिमा अघि बढेको बताइन्छ ।

हालै नेपाल बिद्युत प्राधिकरणले समेत उपत्यकाका बिभिन्न स्थानमा चार्जिंग स्टेशन निर्माण गर्ने घोषणा गरिसकेकको छ । यसअर्थमा विद्युतीय गाडी खरिद गरे पनि चार्ज गर्न नै पाइन्न भन्ने भ्रममा त्यो हदको सत्यता पाइन्न ।

गति कम हुने
यस्ता कारहरुलाई शुन्य देखि १०० को स्पीडमा पुग्न हाल थोरै समस्या देखिए पनि विश्वको सबैभन्दा छिटो दौडने कारको रुपमा पनि विद्युतीय गाडी नै अब्बल भएको तथ्य नकार्न सकिन्न ।

पिनिनफरिना बातीस्ता नामको कारले उच्च गतिमा कुदेर त्यो भ्रमलाई चिरिदिइसकेको छ ।

यस कारले दुई सेकेन्ड भन्दा कम समयमा नै १०० किलोमिटरको गति समाउँदछ । प्रविधिमा भईरहेको परिवर्तनसँगै बिद्युतीय कारहरुको गतिमा पनि वृद्धि हुँदै गईरहेको छ ।

लामो दूरी पार गर्न मुस्किल
औषतमा बिद्युतीय कारहरुले एक पटकको चार्जमा २५० देखि ४०० किलोमिटरको दूरी सजिलै तय गर्न सक्दछन् । तर पनि अकास्मात आइपर्ने यात्राहरु र शर्ट रेन्ज चार्जिंग यस कारको समस्याको रुपमा देखा पर्न सक्दछ ।

तर टेस्लाले बनाएको केहि मोडलले ५ सय किलोमिटर सम्मको दूरी तय गर्न सक्ने देखिन्छ । जसबाट अन्य कम्पनीले पनि बढि दूरी तय गर्ने कार निमार्ण सुरु गरेका छन् ।

महंगो
हाल यस्ता कारहरुको प्रयोग बढेसँगै यसको मूल्य पनि कम हुँदै गईरहेको छ । छिमेकी मुलुक भारतमा यस्ता कारको मूल्य २२ लाख भारुको आसपास पर्ने देखिएको छ । यस हिसाबले यस्ता कारहरुको प्रयोग बढ्दै जाँदा मूल्य घट्दै जाने निश्चित देखिन्छ । महंगोको हल्ला भ्रम मात्र हो।

सम्बन्धित समाचारहरु

वडा समाचारहरु