बिहिबार, चैत २७, २०७६
GokarnaNews

फिनालेबाट गायब थिए बिग बोस १३ का यी चार प्रतिस्पर्धी, कारण यस्तो

फिनालेबाट गायब थिए बिग बोस १३ का यी चार प्रतिस्पर्धी, कारण यस्तो

देशको सबैभन्दा ठूलो रियालिटी शो बिग बोस १३ को यात्रा १४० दिनपछि समाप्त भयो । १३ औं सिजनका विजेता बने टिभी जगतका चर्चित नाम, सिद्धार्थ शुक्ला । शनिबार भएको बिग बोस १३ को ग्रान्ड फिनाले निकै भव्य थियो । फिनालेमा शीष ६ प्रतिस्पर्धीका परिवार–साथीभाइबाहेक सिजनका १३ पूर्व प्रतियोगी पनि उपस्थित भए । तर बिग बोस १३ का चार पूर्व प्रतिस्पर्धी फिनाले नाइटबाट गायब भए ।

ग्रान्ड फिनालेमा पुगेनन् ४ प्रतिस्पर्धीः
बिग बोसको फिनालेमा कोयना मित्रा, सिद्धार्थ डे, खेसारी लाल यादव र अरहान खान उपस्थित भएनन् । सिद्धार्थ डे फिल्मफेयर अवार्डको तयारीमा व्यस्त थिए । त्यसकारण उनी फिनाले नाइटमा आउन सकेनन् । कार्यक्रम प्रस्तोता सलमान खानले सिद्धार्थ डेसँग भिडियो कल गरेर कुराकानी पनि गरेका थिए । सिद्धार्थ डे फिनालेमा उपस्थित हुन नसकेको कारण त थाहा भयो तर कोयना मित्रा र अरहान खान उपस्थित नहुँदा भने प्रश्न उठ्न थालेको छ ।

यद्यपि, बिग बोसलाई पछ्याउनेहरुसँग यो कारण लुक्न सकेको छैन । कोयना मित्राले बिग बोसबाट बाहिरिएपछि सलमान खान र निर्मातामाथि प्रश्न उठाएकी थिइन् । कोयनाले ट्वीट गरेर सलमान माथि पनि विभिन्न टिका टिप्पणी गरेकी थिइन् । उनको यस्तै व्यवहारका कारण सलमानले उनलाई फिनालेमा देख्न नचाहेको पनि हुनसक्छ । त्यसकारण कोयनालाई शोमा वाइल्ड कार्डमार्फत् पनि बोलाइएन । ।

अरहान खानको कुरा गर्ने हो भने उनको बिग बोसको यात्रा पनि निकै विवादास्पद रह्यो । अरहानले रश्मि देसाईसँग आफ्नो विवाह र बच्चाबारे लुकाएका थिए । त्यसपछि सलमान खानले अरहानको नेशनल टिभीमा पोल खोलिदिए । सलमान खानले अरहानसँग भेट्न नचाहेको खबर सार्वजनिक भएको थियो । त्यसकारण पनि उनलाई फ्यामिली विकमा बोलाइएको थिएन । फिनाले एपिसोडमा रश्मिकी आमा उनलाई सपोर्ट गर्न आएकी थिइन् । रश्मिले अरहान खानसँग कार्यक्रममा नै ब्रेकअप गरेकी थिइन् । यस्तोमा अरहान फिनालेमा आएको भए स्थिती तनावयुक्त हुन सक्थ्यो । त्यस्तै, खेसारी लाल फिनालेमा किन पुगेनन् भन्ने कारण पत्ता लाग्न सकेको छैन ।

सम्बन्धित समाचारहरु

वडा समाचारहरु