शनिबार, चैत २२, २०७६
GokarnaNews
maya education initaitives

उपत्यकाको पार्किङ व्यवस्थापनमा मन्त्री मानन्धरको चासो

उपत्यकाको पार्किङ व्यवस्थापनमा मन्त्री मानन्धरको चासो

काठमाडौं– शहरी विकास राज्यमन्त्री रामवीर मानन्धरले काठमाडौं उपत्यकाको पार्किङ व्यवस्थापनमा चासो व्यक्त गरेका छन् । आइतवार ट्राफिक प्रहरी प्रमुख भीम प्रसाद ढकालसहित सरोकारवालासँग छलफल गर्दै मन्त्री मानन्धरले उपत्यकाको अव्यवस्थित पार्किङलाई व्यवस्थापन गर्न निर्देशन दिए ।

ट्राफिक प्रहरी प्रमुख ढकाल, महानगर प्रहरीका प्रमुख धनपति सापकोटा लगायत वरिष्ठ अधिकारीहरु सहभागी कार्यक्रममा मन्त्री मानन्धरले उपत्यकामा तत्कालीन र दीर्घकालीन पार्किङको योजना बनाउन निर्देशन दिएका हुन् ।

‘उपत्यकामा पार्किङ अव्यवस्थित भयो,’ मन्त्री मानन्धरले भने,‘यसलाई व्यवस्थापन गर्न अल्पकालीन र दीर्घकालीन योजनाहरु आवश्यक छ ।’
सरकारले सहरी क्षेत्रको पार्किङ व्यवस्थापनका लागि कार्ययोजना बनाइरहेको बताउँदै राज्यमन्त्री मानन्धरले सहरी सुन्दरतालाई कायम राख्ने गरि कार्यक्रमहरु ल्याउने बताए ।

शहरमा खाली रहेका जमिनमा व्यवस्थित पार्किङ स्थल बनाउने बताउँदै मन्त्री मानन्धरले भने,‘उपत्यकामा खाली रहेका स्थानहरुमा व्यवस्थित पार्किङ स्थलहरु बनाइने र ति स्मार्ट हुने गरि निर्माण गर्ने गरि कार्ययोजना तयार हुनेछ ।’

बागमति, विष्णुमति कोरिडोरमा पार्किङको व्यवस्था गर्नुपर्ने मन्त्री मानन्धरको भनाइ थियो । चक्रपथ र चक्रपथ भित्र पार्किङको व्यवस्थापन सबैभन्दा महत्वपूण रहेको बताउँदै मन्त्री मानन्धरले भित्री शहरमा नागरिकलाई सहज हुने गरि पार्किङ व्यवस्थापन मिलाउन आग्रह गरे ।

उनले मालवाहक ट्रकहरुका लागिसमेत पार्किङ व्यवस्था मिलाउन सरोकारवालाहरुलाई निर्देशन दिए ।

मन्त्री मानन्धरले बालाजु र बसपार्क क्षेत्रमा पार्किङ अव्यवस्थित भएका कारण सर्वसाधारणले सास्ती व्यहोरेको भन्दै तत्काल समाधान गर्न ट्राफिक र महानगर प्रहरी प्रमुखलाई निर्देशन दिए ।

मन्त्री मानन्धरले कलंकीबाट गौशालासम्मको सडक खण्डलाई ट्राफिक मैत्री बनाइउनका लागि आवश्यक सुझाव दिन ट्राफिक प्रमुख ढकाललाई निर्देशन दिए ।

‘विस्तार भइरहेको चक्रपथलाई व्यवस्थित गर्न, ट्राफिक मैत्री बनाउन र दूर्घटना न्यूनीकरण हुने गरि कसरी व्यवस्थापन गर्न सकिन्छ त्यसका लागि चक्रपथ सुधार आयोजनामा सुझाव दिनुहोला’ मन्त्री मानन्धरले ट्राफिक प्रमुख ढकाललाई निर्देशन दिँदै भने ।

सम्बन्धित समाचारहरु

वडा समाचारहरु