बुधबार, चैत २६, २०७६
GokarnaNews

म्यानचेस्टर सिटीलाई युरोपेली फुटबल प्रतियोगितामा सहभागी हुन प्रतिबन्ध

म्यानचेस्टर सिटीलाई युरोपेली फुटबल प्रतियोगितामा सहभागी हुन प्रतिबन्ध

इङ्लिसस प्रिमियर लिग क्लब म्यानचेस्टर सिटीलाई युरोपेली फुटबलको सर्वोच्च संस्था युईएफएले दुई वर्षका लागि युरोपेली फुटबल प्रतियोगितामा सहभागी हुन नपाउने गरी प्रतिबन्धको कारवाही गरेको छ ।

सिटीले क्लब लाइसेन्सिङ र फाइनान्सियल फेयर प्लेको नियम उल्लङ्घन गरेको कारण कारबाही गरेको युईएफएले जनाएको छ । सिटीलाई प्रतिबन्ध सहित ३० मिलियन युरो पनि जरिवाना गरिएको छ ।

कारबाही बारे सिटीले कोर्ट अब आर्बिट्रेसन फर स्पोर्टमा अपिल गर्न सक्नेछ । सिटीले सन् २०१२ देखि २०१६ सम्म क्लबको प्रायोजन र लेखा परिक्षणबारे अनुसन्धान गर्न खोज्दा समन्वय नगरेको आरोप युईएफएले लगाउँदै आएको थियो । यस कारवाही पछि सिटीले अर्को सिजन देखि दुई वर्ष च्याम्पियन्स लिग र युरोप लिग खेल्न पाउने छैन ।

सिटी प्रिमियर लिगमा पनि कारवाहीमा पर्ने सम्भावना बढेको छ । प्रिमियर लिगमा अंक घटाएर कारवाही गरिने नियम छ । सिटीलाई प्रिमियर लिगमा के कास्तो कारबाही हुन्छ, त्यो बाँकी नै छ ।

सम्बन्धित समाचारहरु

वडा समाचारहरु