शनिबार, असोज १०, २०७७
GokarnaNews

आलाइन खबर हवको दैनिकी समाचार भदौ ५

सांसद मनाङेलाई दुई दिन थुनामा राख्न प्रशासनको अनुमती

"मिलन गुरूङ पनि पक्राउ''

सांसद मनाङेलाई दुई दिन थुनामा राख्न प्रशासनको अनुमती

पोखरा – गण्डकी प्रदेशसभा सदस्य दीपक मनाङेलाई दुई दिन थुनामा राख्न कास्की प्रशासनले अनुमति दिएको छ।

शुक्रबार जिल्ला प्रशासन कार्यालय कास्कीले मनाङेलाई दुई दिन हिरासतमा राखेर अनुसन्धान गर्न प्रहरीलाई अनुमति दिएको हो।

कास्कीका प्रमुख जिल्ला अधिकारी रमेश केसीले मनाङेलाई दुई दिन थुनामा राख्न प्रहरीलाई अनुमति दिइएको बताए।

एन्फा कास्कीका अध्यक्ष रहेका मिलन गुरूङलाई सांसद मनाङेले मंगलबार झापड हानेका थिए। गुरूङले जाहेरी दिएपछि मनाङेलाई प्रहरीले बिहीबार पक्राउ गरेको थियो।

त्यस्तै सांसद दीपक मनाङेले झापड हानेका मिलन गुरूङलाई पनि प्रहरीले पक्राउ गरेको छ। ठगी तथा बैंकिङ कसुरको जाहेरी परेपछि गुरूङलाई शुक्रबार पक्राउ गरिएको कास्की प्रहरीले जनाएको छ।

गुरूङविरूद्ध बिहीबार जिल्ला प्रहरी कार्यालय कास्कीमा ठगी र बैंकिङ कसुरको जाहेरी परेको थियो। जाहेरी परेपछि मिलनलाई बिहीबारै प्रहरीले अदालतसँग पक्राउ अनुमति मागेको प्रहरी उपरीक्षक दानबहादुर कार्कीले बताए।

‘ठगी र बैंकिङ कसुरमा विभिन्न व्यक्तिले जाहेरी दिएका छन्, त्यसैको अनुसन्धान सिलसिलामा उहाँलाई पक्राउ गरिएको हो,’ कार्कीले भने।

मनाङेविरूद्ध प्रहरीले केही सार्वजनिक अपराधअन्तर्गत अनुसन्धान गरिरहेको छ।

आलाइन खबर हवको दैनिकी समाचार भदौ ५

सम्बन्धित समाचारहरु

वडा समाचारहरु