आइतबार, फागुन ०४, २०७६
GokarnaNews
OnlineKhabarHub

वाग्मती प्रदेशको मन्त्री बन्दै रामेश्वर फुयाँल

वाग्मती प्रदेशको मन्त्री बन्दै रामेश्वर फुयाँल

काठमाडौं– सत्तारूढ नेपाल कम्युनिस्ट पार्टी (नेकपा) का नेता रामेश्वर फुयाँल वाग्मती प्रदेशको भौतिक योजना तथा विकासमन्त्री बन्ने भएका छन् ।

गत कात्तिक १६ गते मुख्यमन्त्री डोरमणि पौडेलले केशव स्थापितलाई बर्खास्त गरेपछि प्रदेशको भौतिक योजना तथा विकास मन्त्रालय मन्त्रीविहीन थियो ।

१५ महिनादेखि रिक्त मन्त्रालयमा प्रदेशका मुख्य सचेतक रहेका फुयाँललाई प्रस्ताव गरिएको नेकपा स्रोतले जानकारी दियो । यद्यपि फुयाँलले यसबारे कुनै जानकारी नभएको प्रतिक्रिया दिए । “पार्टीमा कुराकानी चलेको होला । तर मलाई कसैले केही भनेको छैन,” उनले भने ।

नेकपाको पूर्वकेन्द्रीय सदस्यसमेत रहेका फुयाँल काठमाडौैं ३ बाट प्रदेशसभा सदस्यमा निर्वाचित हुन् । हेटौंडालाई प्रदेशको केन्द्र बनाउन लागिपरेका फुयाँललाई मन्त्री बनाउने सम्भावना रहेको प्रदेशसभा सदस्यले जानकारी दिएका छन् । फुयाँल दोस्रो संविधानसभामा काठमाडौं ३ बाट निर्वाचित भएका थिए ।

सम्बन्धित समाचारहरु

वडा समाचारहरु

//onemboaran.com/afu.php?zoneid=2767382