शुक्रबार, असोज ०९, २०७७
GokarnaNews

आलाइन खबर हवको दैनिकी समाचार भदौ ५

रोनाल्डोको गोलवर्षा जारी, युभेन्टस कोप्पा इटालियाको सेमिफाइनलमा

रोनाल्डोको गोलवर्षा जारी, युभेन्टस कोप्पा इटालियाको सेमिफाइनलमा

स्टार खेलाडी क्रिस्टियानो रोनाल्डोले पछिल्ला १० खेलमा आफ्नो १३ औँ गोल गरेपछि युभेन्टसले एएस रोमालाई ३–१ गोल अन्तरले हराउँदै कोप्पा इटालियाको सेमिफाइनलमा प्रवेश गरेको छ ।

युभेन्टसले तीनवटै गोल पहिलो हाफमा गरेको थियो । पोर्चुगलका स्ट्राइकरले गोन्जालो हिग्वाइनको क्रसमा गोल गर्दै खेलमो २६ औँ मिनेटमा टोलीलाई अग्रता दिलाए ।

३४ वर्षीय रोनाल्डोको सन् २०२० मा यो सातौँ गोल थियो । कोप्पा इटालियामा भने उनको यो पहिलो गोल हो । योसँगै उनले विभिन्न १५ वटा प्रतियोगितामा गोल गर्न सफल भएका छन् ।

खेलको ३८ औँ मिनेटमा रोड्रिगो बेन्टाकुरले अग्रता दोब्बर बनाए भने इन्जुरी समयमा लियोनार्डो बनुचीले युभेन्टसलाई ३–० को अग्रता दिलाए ।

दोस्रो हाफमा जियानलुइजी बुफोनले आत्मघाती गोल गरेपछि रोमाले सान्तवना गोल गर्यो ।

युभेन्टसले अब सेमिफाइनलमा टोरिनो र एसी मिलानबीचको विजेतासँग भिड्नेछ ।

आलाइन खबर हवको दैनिकी समाचार भदौ ५

सम्बन्धित समाचारहरु

वडा समाचारहरु