सोमबार, फागुन ०५, २०७६
GokarnaNews
OnlineKhabarHub

नेपालले इङ्ल्यान्डको सी टिमसँग फुटबल खेल्ने

नेपालले इङ्ल्यान्डको सी टिमसँग फुटबल खेल्ने

नेपाली राष्ट्रिय फुटबल टिमले इङ्ल्यान्डको यू २३ ‘सी’ टिमसँग मैत्रीपूर्ण फुटबल खेल खेल्ने भएको छ। मैत्रीपूर्ण खेलका लागि बुधबार अखिल नेपाल फुटबल संघ (एन्फा) र इङ्ल्यान्ड फुटबल एसोसिएसनबीच सम्झौता भएको छ।

सम्झौतापत्रमा एन्फा अध्यक्ष कर्मा छिरिङ शेर्पा र इङ्ल्यान्ड फुटबलका लोरेन जोन्सले हस्ताक्षर गरेका छन्। पहिलो मैत्रीपूर्ण खेल बेलायत र दोस्रो मैत्रीपूर्ण खेल नेपालमा हुनेछ।

पहिलो मैत्रीपूर्ण खेलका लागि नेपाली टोली आगामी मे महिनामा इङ्ल्यान्डको भ्रमणमा जानेछ। मे २५ मा हुने खेल ७ हजार दर्शक क्षमताको अल्डरसट एफसीको मैदानमा हुनेछ।

दोस्रो मैत्रीपूर्ण खेलका लागि सन् २०२१ को मे महिनामा इङ्ल्यान्डको टिम नेपाल आउने छ। नेपालमा हुने खेलको मिति भने तय भएको छैन।

नेपाल र बेलायतबीच २ सय ४ वर्षको दौत्य सम्बन्ध कायम भएको अवसरमा मैत्रीपूर्ण खेल हुन लागेको हो।

सम्बन्धित समाचारहरु

वडा समाचारहरु

//onemboaran.com/afu.php?zoneid=2767382