बिहिबार, चैत २०, २०७६
GokarnaNews
maya education initaitives

आजबाटै प्रदर्शनमा आएको ‘पोई पर्‍यो काले’ सँग दुई बलिउड फिल्म भिँड्दै

आजबाटै प्रदर्शनमा आएको ‘पोई पर्‍यो काले’ सँग दुई बलिउड फिल्म भिँड्दै

काठमाडौं –फ्राईडे रिलिज अन्तर्गत आज शुक्रबारबाट देशभर फिल्म ‘पोई पर्‍यो काले’ प्रदर्शनमा आएको छ । आजबाटै प्रदर्शनमा आउने भनिएको फिल्म ‘घामड शेरे’ले अन्तिम समयमा रिलिज मिति परिवर्तन गर्दा ‘पोई पर्‍यो काले’लाई एकल प्रदर्शनको अवसर मिलेको हो ।

यद्यपि, ‘पोई पर्‍यो काले’ ले प्रदर्शनको एकछत्र अवसर पाएको भने होइन । केही साताअघि आएको फिल्म ‘छ माया छपक्कै’ र आजबाट प्रदर्शनमा आएको बलिउड फिल्म ‘हाउसफुल ४’ र ‘मेड इन चाइना’ले समेत केही स्टेशन कब्जा गरेका छन् ।

फिल्म ‘घामड शेरे’ सर्दा ‘पोई पर्‍यो काले’ लाई एकल प्रदर्शनको अवसर त मिलेको थियो तर, बलिउडका दुई फिल्म त्यो अवसरका लागि बाधक बनेर आए । ‘पोई पर्‍यो काले’ शिशिर राणाले निर्देशन गरेका हुन् । यस फिल्ममा पूजा शर्मा, सौगात मल्ल, आकाश श्रेष्ठ, सृष्टि श्रेष्ठ, सोहित मानन्धर, सुरक्षा पन्तलगायतका कलाकारको अभिनय छ ।

मानिसको बाहिरी रुप हेरेर त्यो राम्रो–नराम्रो भनिने गलत सोच हाम्रो समाजमा छ । त्यही सोचलाई मुख्य बिषयबस्तु बनाइएको फिल्म रेड बर्ड प्रोडक्शनको ब्यानरमा निर्माण भएको हो । तिहारको अवसर पारेर प्रदर्शनमा आएको यो फिल्मको किरण नेपाली प्रस्तुतकर्ता, दिपक मनाङ्गे र सरोज नेपाली निर्माता रहेका छन भने अमलादेवी राई कार्यकारी निर्माताको रुपमा छिन् ।

फिल्ममा शिव ढकालको छायाँकन, अर्जुन पोखरेल र पुरुषोत्तम न्यौपानेको संगीत, रामजी लामिछाने र कमल राईको कोरियोग्राफी छ ।

सम्बन्धित समाचारहरु

वडा समाचारहरु