आइतबार, मङि्सर २९, २०७६
GokarnaNews
OnlineKhabarHub

सीको भ्रमणमा देशको आवश्यकतालाई हेरेर सम्झौता गर्न महतको सुझाव

सीको भ्रमणमा देशको आवश्यकतालाई हेरेर सम्झौता गर्न महतको सुझाव

काठमाडौं– नेपाली कांग्रेसका सहमहामन्त्री प्रकाशशरण महतले देशको आवश्यकतालाई हेरेर चीनसँग सम्झौता गर्न सुझाव दिएका छन् । चिनियाँ राष्ट्रपति सी चिनफिङको भ्रमणमा हुने सम्झौतामा देशलाई प्राथमिकतामा राखेर सम्झौता गर्न महतले सरकारलाई सुझाव दिए ।

राजधानीमा आयोजित कार्यक्रममा डा।महतले नेपालले कुनै पनि मुलुकसँग ऋण सहायता लिँदा विश्व बैंक, एसियाली विकास बैंकको भन्दा कम ब्याजदरमा लिनुपर्ने उनको भनाई छ ।

कार्यक्रममा प्रधानमन्त्रीका परराष्ट्र मामिला सल्लाहकार डा. राजन भट्टराईले चिनियाँ राष्ट्रपति सी जिनपिङको राजकीय भ्रमणले दुई मुलुकबीचको विश्वासको वातावरणलाई नयाँ उचाईमा पुर्‍याउने विश्वास व्यक्त गरे ।

प्रधानमन्त्रीका परराष्ट्र मामिला सल्लाहकार भट्टराईले राष्ट्रपति सीको भ्रमणका क्रममा नेपालमा रेल सेवा विस्तारका लागि महत्वपूर्ण समझदारी हुने जानकारी दिए ।

चिनियाँ राष्ट्रपति सीको नेपालको राजकीय भ्रमण आगामी शनिबार र आईतबार हुँदैछ । २३ वर्षपछि चिनियाँ राष्ट्रपतिको नेपालमा राजकीय भ्रमण हुन लागेको हो ।

राष्ट्रपति विद्या भण्डारीको मैंत्रीपूर्ण निमन्त्रणामा हुन लागेको चिनियाँ राष्ट्रपति सीको राजकीय भ्रमणका क्रममा रेल सेवा विस्तारका लागि सम्झौता गर्ने सरकारको तयारी छ ।

सम्बन्धित समाचारहरु

वडा समाचारहरु