आइतबार, फागुन ११, २०७६
GokarnaNews
OnlineKhabarHub

आइफोन ११ को माग उच्च, १० प्रतिशतले बढ्यो उत्पादन

आइफोन ११ को माग उच्च, १० प्रतिशतले बढ्यो उत्पादन

एप्पलले हालै लञ्च गरेको आइफोन ११ सिरिजका स्मार्टफोनहरुलाई प्रयोगकर्ताहरुले रुचाएका छन् । अपेक्षाभन्दा बढी सकारात्मक प्रतिक्रिया मिलेसँगै एप्पलले आइफोन ११ को उत्पादन १० प्रतिशतले बढाएको छ ।

आइफोन ११ को माग उच्च हुनुमा यसको मूल्य एउटा कारण हुनसक्छ । आइफोन ११ को मूल्य आइफोन १० को भन्दा कम छ । एप्पलले आफ्नो इतिहासमै पहिलोपटक पूरानो मोडेल भन्दा कम मूल्यको नयाँ मोडलको आइफोन सार्वजनिक गरेको थियो यो पटक । सोही कारण पनि आइफोन ११ प्रति उपभोक्ताहरु आकर्षित भएका हुन् ।

उत्पादनमा वृद्धि गरेसँगै अब एप्पलले ८० लाख गोटा आइफोन ११ बनाउनेछ ।

एप्पलले गत सेप्टेम्बरमा आइफोन ११ स्मार्टफोन लञ्च गरेको थियो । उक्त सिरिजमा आइफोन ११, आइफोन ११ प्रो र आइफोन ११ प्रो म्याक्स गरी तीनवटा आइफोन रहेका छन् ।

यी सबै आइफोन ए १३ बायोनिक चिपसेटयुक्त रहेका छन् । तथापि स्क्रिन साइज र क्यामरा सेटअप भने मोडेल अनुसार फरक छ । आइफोन ११ मा ६.१ इन्चको रेटिना डिस्प्ले रहेको छ भने आइफोन ११ प्रो मा ५.८ इन्चको सुपर रेटिना एक्सडिआर डिस्प्ले रहेको छ । त्यस्तै आइफोन ११ प्रो म्याक्समा चाहीँ ६.५ इन्चको सुपर रेटिना एक्सडिआर डिस्प्ले रहेको छ । एजेन्सीको सहयोगमा

सम्बन्धित समाचारहरु

वडा समाचारहरु

//onemboaran.com/afu.php?zoneid=2767382