कपालमा पर्ने चायाबाट कसरी बच्ने ? यी हुन् चाया हटाउने १० घरेलु उपाय

कपालमा पर्ने चायाबाट कसरी बच्ने ? यी हुन् चाया हटाउने १० घरेलु उपाय

एजेन्सी– सबै मानिस आफुलाई सुन्दर बनाउने प्रयास गर्छन । मानिस सुन्दर भएसंगै यसले उसको ब्यक्तित्वमा समेत सकारात्मक असर पार्दछ । मानिसको सुन्दरता झल्काउन कपालले महत्वपुर्ण भुमिका राख्दछ ।

कपाल कतिको महत्वपुर्ण हो भन्ने कुरा कपालका बिषयमा बनेका गीत वा कविताले प्रष्ट्याउने गर्दछ । तर मानिसको कपालमा जाडो र गर्मी दुबै मौसममा चाया पर्ने गर्दछ । कपालमा चाया पर्ने समस्याका कारण अधिकाशं मानिस तनावमा हुने गर्दछन् ।

चाया पर्नुको कारण
टाउकोमा रहेको बाहिरी छालाका कोष मर्ने र नयाँ पलाउने क्रम चलिरहन्छ । जसले मानिसको टाउकोमा सेतो मसिना फुस्रो दाग तथा कणहरु देखापर्छन् जसलाई चाया भनिन्छ । चाया पर्नुको कारण कपालको सफाइमा ध्यान नदिनु पनि हो ।

कपालको नियमित सफाई नहुँदा टाउकोमा चाया पर्ने सम्भावना वढी हुन्छ । अझ शरीरमा हुने हर्मोन परिवर्तन र वंशाणुगत गुणे पनि चाया पर्ने हुन्छ । विभिन्न रोग, अखाद्य बस्तुको सेवन तथा कपालमा केमिकलको प्रयोग गर्दा पनि टाउकोमा चाया पर्ने हुन्छ । साथै अत्यधिक तनाव लिने, शारीरीक थकानको काम गर्ने र केहि एलर्जीले समेत चाया पर्दछ ।

चाया निको पार्ने उपाय
टाउकोमा चाया पर्न नदिन टाउकोको नियमित सरसफाई गर्नपर्दछ । साथै सन्तुलित भोजन र फलफूलको सेवनले पनि टाउकोमा चाया पर्नबाट जोगाउछ ।

पर्याप्त पौष्टिक तथा भिटामिनयुक्त खाना खाने गरेमा समेत चायाको समस्या घटेर जान्छ । नियमित रुपमा कपाल नुहाउने, जेल वा हेयर क्रिमको सट्टा राम्रो तेलको प्रयोग गरे चायाको समस्या हट्नेछ ।

चाया हटाउने १० घरेलु उपाय
१. एक चम्चा माटोमा गोलभेडाको पेस्ट मिलाएर पेष्ट बनाई कपालमा लगाएर १५–२० मिनेट छोडेर कपाल धोएमा कपालमा रहेको चाया जान्छ ।

२. अमिले दहीमा थोरै पानी मिसाएर कपालमा लगाएर ३० मिनेट जति राखेर नुहाउनुस कपालको चाया जान्छ ।

३. रहरको दाललाई रातभर पानीमा भिजाएर बिहान उठ्ने बितिक्कै पिनेर कपालमा लगाउनुस र आधा घन्टा जति छाडेर नुहाउनुस कपालमा रहेको चाया जान्छ ।

४. करिव ५ वटा कागती काटेर २ लीटर पानीमा उमाल्नुस र चिसो भइसकेपछि कपाल धुनुस तपाईको कपालमा रहेको चाया छिटै हटेर जान्छ ।

५. एलोभेराको रस निकालेर कपालमा दल्नुस र आधाघन्टा जति राखेर पखाल्नुस चाया हटेर जान्छ ।

६. दाना मेथीलाइ रातभर ढड्याएर राख्नुस र बिहान उठेर त्यसको पेष्ट बनाएर कपालमा लगाई आधा घन्टा जति कुरेर पखाल्नुस कपालको चाया निख्रन्छ ।

७. सरस्युको तेल र कागतीको रस मिलाएर कपालमा लगाई मालिस गर्नुस । एक दिन बिराएर यसो गर्न सकेमा तपाइको टाउकोबाट चाया पूर्णरुपले हराएर जान्छ ।

८. ग्लीसीरिन र गुलाव जल मिलाएर राख्नुस र हरेक दिन नुहाउने बितिक्कै अलिकति दल्ने गर्नुस तपाईको कपालबाट चाया हराएर जान्छ ।

९. नरिवलको तेल र कपुर मिलाएर राख्नुस र नुहाउनु भन्दा आधा घन्टा अघि मसाज गर्नुस चाया हराएर जान्छ ।

१०. एक ग्लास पानीमा चार चम्चा बेसन घोलेर पेस्ट बनाउनुस र कपालमा लगाएर एक घन्टा जति छोडेर नुहाउनुस तपाईको कपालबाट चाया हट्छ ।

Loading...

वडा समाचारहरु

सम्बन्धित समाचारहरु