शुक्रबार, मङि्सर २७, २०७६
GokarnaNews
OnlineKhabarHub

तथ्याङ्कशास्त्रीहरुबाटनै तथ्याङ्क विवरण संकलनको नेतृत्व तथा सुपरीवेक्षण गराउनुपर्ने माग राख्दै सानको ज्ञापन पत्र

तथ्याङ्कशास्त्रीहरुबाटनै तथ्याङ्क विवरण संकलनको नेतृत्व तथा सुपरीवेक्षण गराउनुपर्ने माग राख्दै सानको ज्ञापन पत्र

काठमाडौं – स्टाटिस्टीक स्टुडेन्ट एसोसिएसन अफ नेपाल (सान)ले तथ्याङ्क विभागबाट गरिने विभिन्न सर्वेक्षण र अनुसन्धानहरुमा तथ्याङ्क शास्त्रीहरुको नेतृत्व तथा सुपरीवेक्षणमा  विवरण संकलन गराउनु पर्ने माग राख्दै तथ्याङ्क विभाग थापथलीमा ज्ञापना पत्र बुझाएको छ । सानका अध्यक्षको नेतृत्वमा गएको उक्त टोलीले तथ्याङ्क विभागका महानिर्देशक सुमन अर्याल समक्ष ज्ञापन पत्र बुझाएको हो ।

सानले बुझाएको ज्ञापन पत्रमा भनिएको छ देशमा नयाँ योजना र विकासका खाका तय गर्नुपूर्व उक्त बिषयसँग सम्बन्धीत यर्थाथ र भरपर्दो तथ्याङ्क विवरण आवश्यक पर्ने हुन्छ । तथ्याङक विदहरु उत्पादन गर्ने देशकै एक मात्रै तथ्याङशास्त्र केन्द्रीय विभागबाट बर्षेनी ५० विधार्थी उत्पादन भइरहेको छ र तर त्यो जनशक्तिलाई सदुपयोग गर्न नसक्नु दुःखद कुरा हो । यस्ता बिषयहरुमा सिविएस र सिडिएस बिच समन्वय भई उत्पादित जनशक्तिको समेत सदुपयोग गर्न विभाग समक्ष ध्यानाकर्षण गराईएको छ ।

ज्ञापन पत्र बुझ्दै महानिर्देशक अर्यालले सिविएस र सिडिएस बिचको सहकार्यलाई आगामी दिनमा अझ मजवुद गराउर्दै, इन्टनसिप मा समेत सहभागी गराउन विभाग तयार रहेको जानकारी दिए । उनले भने ‘विभागबाट हुने अध्ययन अनुसन्धानका तथ्याङ्क, जनगणना, सर्वेक्षण लगाएतका बिषयहरुमा योग्यता र क्षमतका आधारमा तथ्याङ्कशास्त्री र यसै बिषयसँग सम्बन्धीत आउदै गरेका नयाँ विधार्थीहरुलाईनै तथ्याङ्क संकलनको नेतृत्व एव्म सुपरीवेक्षणमा समावेश गराईने छ ।’

महानिर्देशक अर्यालले हिजोका दिनहरुमा जनशत्तिको अभाव लगाएतका केही समस्याहरुका कारण त्यस्तो परेको हनसक्ने औल्याउर्दै आगामी दिनहरुमा त्यस्तो समस्या हटेर जाने दावी गरे ।

त्यस्तै सानका अध्यक्ष सतिस आचार्यले सरकारी निकायबाट हुने तथ्याङ्क संकलनहरुको नेतृत्वमा मा तथ्याङ्कशास्त्री नभई अन्य विभिन्न क्षेत्रका व्यक्तिहरुको संङ्लग्नता पाइएकोले त्यस्ता व्याक्तिहरुबाट आउने तथ्याङ्क भरपर्दो नहुने भन्दै तथ्याङ्कशास्त्रीहरुकै नेतृत्वमा गराउनु पर्ने माग स्वरुप यो ज्ञापन पत्र बुझाएको जानकारी दिए । उनले अध्ययन अनुसन्धानका तथ्याङ्हरु, जनगणना, सर्वे लगाएतका कार्यहरुमा राजनीति पँहुचका भरमा विवरण संकलनको नेतृत्व कर्ता  तोक्ने कार्य हुँदै आएको भन्दै त्यसलाई रोक्नु पर्ने धारणा राखे । उनले भने ‘विश्वविद्यालयले बर्षेनी यत्रो तथ्याङ्कशास्त्री, विदहरु उत्पादन गर्छ तर जसको काम हो उसले नपाएर कोही राजनीति दलका मान्छेहरुले गाँउ गाँउमा तथ्याङ्क विवरणको नेतृत्व तथा सुपरीवेक्षण गरेको देखिन्छ यसले देश र सिस्टम कता लादैछ हाम्रो प्रश्न हो । के त्यसरी तथ्याङक विवरणहरु सही र यर्थाथ आउछन त ? भरपर्दो नजिदा आउता त ? त्यसैले यसबारे विभाग गम्भिर होस र योग्यता क्षमता र कार्यकुशलताका आधारमा तथ्याङ्कशास्त्रीहरुलाई नै संलङ्ग्न गराउ भन्ने हाम्रो माग हो ।’

अध्यक्ष आचार्यले बर्षेनी योग्यता क्षमता भएका विधार्थीहरुनै विदेशीने क्रम किन बढ्यो भन्ने प्रश्नको उत्तर नै यही भएको बताए । उनले भने ‘जहाँ जसले काम गर्नु पर्ने हो । उसलाई अवसर छैन , अन्य विधाका व्याक्तिले विभिन्न पँहुच र पावरका भरमा तथ्याक संकलनको नेतृत्व तथा सुपरीवेक्षण गर्छन अनि तथ्याङ्कशास्त्रीले के काम गर्ने ? देशमै आफ्नो क्षेत्रमा काम गर्ने अवसर नपाएपछि विदेशीनुको विकल्प देख्दैनन् त्यसैले सम्बन्धीत बिषयको जानकार र सम्बन्धीत बिषयको कोर्स गरेको व्याक्तिले अवसर पाउनु पर्छ ।यसतर्फ सरकार र सम्बन्धीत निकायको ध्यान जाओस

सम्बन्धित समाचारहरु

काठमाडौं– शुक्रबार बिहानदेखि नै काठमाडौं उपत्यकासहित देशका विभिन्न स्थानमा वर्षा भइरहेको छ । पश्चिमी वायुको प्रभावका कारण हिमाली र उच्च पहाडी क्षेत्रमा हिमपात र वर्षा हुने मौसमविदहरुले पनि जनाएका छन् ।

पश्चिमी वायुको प्रभावसँगै देशका विभिन्न स्थानमा परेको पानीले जनजीवन प्रभावित भएको छ भने पानी परेका कारण सडक दुर्घटनासमेत बढेको ट्राफिक प्रहरीले जनाएको छ ।

वर्षाका कारण सडकमा दुई पांग्रे सवारीसाधन चिप्लिएर बढी दुर्घटना भएको महानगरीय ट्राफिक प्रहरी महाशाखाले जनाएको हो । यात्रा सुरक्षित बनाउनका लागि महाशाखाले दुई पांग्रे र अन्य सवारीसाधनलाई समेत सावधान भएर सवारी चलाउन अनुरोध गरेको छ ।

ट्राफिक प्रहरीका अनुसार वर्षातमा सवारी चलाउँदा अपनाउनुपर्ने सुरक्षाका उपायहरुः

सवारी साधन चलाउनुअघि वाइपर र हेडलाइट जाँच गराउनुस्

दृश्यता कम भएको खण्डमा हेडलाइट प्रयोग गर्नुस् ।

सवारीको गति कम गर्नुस् ।

पानीले भिजेको सडकमा ब्रेक कम लाग्न सक्छ र सवारी साधन अनियन्त्रित हुन सक्छन् ।

ब्रेकिङ दुरी बढाउनुस् ।

सडकमा ध्यान मोडिने कार्य नर्गनुस् ।

सवारी चलाउँदा मोवाइ वा ट्यावलेट प्रयोग नगर्नुहोस् ।

वर्षाका कारण सवारी दुर्घटना बढेपछि ट्राफिकको यस्तो अनुरोध

सम्बन्धित संस्था वा व्यक्तिले निर्धारित समयमा नियम विपरीत राखिएको विज्ञापन हटाउने कार्य नगरेपछि काठमाडौँ महानगरपालिकाले शहरलाई कुरूप बनाई राखिएका होर्डिङ बोर्ड हटाउन सुरु गरेको छ । गत सोमबारसम्म कामपाले सम्बन्धित व्यक्ति वा संस्थालाई नियम विपरीत राखिएका होर्डिङ बोर्ड हटाउन निर्देशन दिएको थियो ।

निर्देशन पालना नगरेपछि अहिले कामपाले बानेश्वर, कोटेश्वर, माइतीघर, त्रिपुरेश्वर, लैनचौरलगायतका स्थानमा निकाल्ने कार्य गरिरहेको छ । गत मङ्गलबारदेखि कामपाले उक्त कार्य सुरु गरेको हो ।

अब कलङ्की, सीतापाइला, बालाजु, कालीमाटीलगायतका स्थानमा राखिएका होर्डिङ बोर्ड हटाइने कामपाले जनाएको छ । अहिले पुतलीसडक, बागबजार, बानेश्वर, कोटेश्वर, चावहिल, कलङ्कीलगायत स्थानमा नियम विपरीतका विज्ञापन राखिएको कामपाले जनाएको छ ।

सर्वोच्च अदालतको आदेशानुसार कामपाले पछिल्लो समय यस कार्यमा सक्रियता देखाएको हो । होर्डिङ बोर्ड, भित्तेलेखन, भित्तामा टाँसिएको पोस्टरलगायत सामग्री नहटाएको भन्दै महानगरपालिकाविरुद्ध सर्वोच्चमा अवहेलना मुद्दा दर्ता भएको थियो ।

कामपाका प्रवक्ता ईश्वर डङ्गोलका अनुसार हटाउनका लागि अघिल्लो सोमबार सात दिनको समय सम्बन्धित व्यक्ति र संस्थालाई दिइएको छ । तोकिएको समयभित्र नहटाए कामपाले नै हटाउने र कारवाहीसँगै हटाएको ज्यालासहित सम्बन्धित पक्षले दिनुपर्नेछ ।

नियमानुसार सार्वजनिक जग्गामा विज्ञापन राख्न नपाइने, झ्याल–ढोका छोपी राख्न नपाइने, विज्ञापन राखेकै भरमा छिमेकीलाई असर पार्न नहुने, सम्पदा भएका स्थानसम्म राख्न नपाइने कानूनी व्यवस्था रहेको छ ।

विसं २०७२ भदौ १६ गते सर्वोच्च अदालतका तत्कालीन प्रधानन्यायाधीश कल्याण श्रेष्ठ र न्यायाधीश ओमप्रकाश मिश्रको संयुक्त इजलासले शहरका घर, पर्खाल, छत, बिजुलीको पोल र सडकका डिभाइडरमा रहेका पर्चा, पम्प्लेट, भित्तेलेखन, अनधिकृतरूपमा राखिएका होर्डिङ बोर्ड, विज्ञापन बोर्डलाई हटाई पुनः प्रयोग गर्न नदिन आवश्यक निवारणात्मक व्यवस्था गर्न आदेश दिएको थियो । सर्वोच्चले आदेश दिएको चार वर्षसम्म पालना नभएको भन्दै अधिवक्ता पदमबहादुर श्रेष्ठले अदालतको अवहेलनामा कारवाही गर्न हालै रिट दायर गरेका थिए ।

काठमाडौंमा नियम विपरीत राखिएका होर्डिङ बोर्ड हटाउन सुरु

पत्रकार सन्तोष काफ्लेलाई कुटपिट गर्ने चार जनालाई प्रहरीले पक्राउ गरेको छ। इलाका प्रहरी कार्यालय धरानले नरेश शाही ठकुरी, दीपक राई, संगीता राई र तुलसीप्रसाद विश्वकर्मालाई पक्राउ गरेको हो।

बिहीबार दिउँसो पत्रकार काफ्लेलाई पत्रकार सम्मेलनमा ढिलो आएको भन्दै कुटपिट गरिएको प्रहरीले जनाएको छ। सल्लेरी बचत तथा ऋण सहकारी संस्थाबाट ठगिएकाहरूको संघर्ष समितिले पत्रकार सम्मेलन राखेको थियो। सहकारीबाट ठगिएको पैसा फिर्ता नभएको भन्दै संघर्ष समितिले पत्रकार सम्मेलन आयोजना गर्दा काफ्लेलाई ढिलो आएको आरोपमा समितिका सचिव शाहीलगायतले कुटपिट गरेका हुन्।

धरान–१२ स्थित पत्रकार सम्मेलन भएको ठाउँमा कुटिएका पत्रकार काफ्लेको आँखामा गम्भीर चोट लागेको छ। उनलाई बिपी कोइराला स्वास्थ्य विज्ञान प्रतिष्ठानमा उपचारपछि थप उपचारका लागि विराटनगर आँखा अस्पताल पठाइएको धरानका प्रहरी नायब उपरीक्षक ढुण्डीराज न्यौपानेले बताए।

सहकारी संस्थाको करोडौं रुपैयाँ ठगी गरी फरार भएका धरानस्थित सल्लेरी बचत तथा ऋण सहकारी संस्थाका अध्यक्ष कृष्ण विकलाई प्रहरीले पक्राउ गरिसकेको छ।

धरानमा ६५ बचतकर्ताको ५ करोड ६८ लाख रुपैयाँ ठगी गरी भागेका विकलाई प्रहरीले पक्राउ गरेपछि उनी जेल चलान भएका छन्।

उनी जेल गएपछि पीडितको पैसा फिर्ता कसले गर्ने भन्ने अन्यौल छ। पक्राउ परेकालाई कुटपिट तथा अंगभंग मुद्दामा अनुसन्धान थालिएको प्रहरीले जनाएको छ।

पत्रकार सम्मेलनमा ढिलो आएको भन्दै पीडितले कुटे पत्रकार

डोल्पा– हिमपातका कारण डोल्पामा आजदेखि शुरु भएको वार्षिक परीक्षा प्रभावित भएको छ । डोल्पाका उपल्लो र मध्य भागमा बिहीबारदेखि भएको हिमपातले वार्षिक परीक्षामा सहभागी हुने विद्यार्थी समस्यामा परेका छन् ।

हिमपात र बादलका कारण घाम नलाग्दा थुरथुर काप्दै विद्यार्थीहरु परीक्षामा सहभागी भएको लक्ष्मी माध्यमिक विद्यालय ठुलिभेरी नगरपालिकाका शिक्षक हरिश जोसीले बताए ।

विद्यार्थी परीक्षामा लेख्न नसकेर हैरान भएको उनले बताए । साना साना बालबालिका चिसोका कारण लेख्दा, लेख्दै रुने, कराउने गर्न थालेको उनको भनाइ छ । विद्यालयको प्राङ्गनमा आगो बालेर परीक्षा दिने काम भइरहेको शिक्षकले बताएका छन् ।

त्यस्तै हिमपातका कारण पशुचौपाया, बालबच्चा, वृद्धवृद्धालाई बढी प्रभाव पार्ने गरेको छ । चिसोले गर्दा घरबाहिर निस्केर काम गर्न कठिन भएको त्रिपुरासुन्दरी नगरपालिका–२ रसिका स्थानीयवासी जुनराज रोकायले बताए ।

हिमपात नरोकिए परीक्षा नै प्रभावित हुने खतरा भएको सरस्वती मावि जगदुल्लाका शिक्षक मानबहादुर रोकायले जानकारी दिए । डोल्पामा दुई शैक्षिक शत्र शुरु हुने गरेका छन् ।

हिमपातले परीक्षार्थी थरथर काप्दै, परीक्षा दिँदै

काठमाडौं– पश्चिमी न्यून चापीय वायुको प्रभावले देशभर पूर्ण बदली भई उच्च पहाडी र हिमाली भू–भागमा हिमपात भएको जल तथा मौसम विज्ञान विभागले जनाएको छ ।

महाशाखका अनुसार हुम्ला, डोल्पा, मुगुलगायतको उच्च पहाडी तथा हिमाली जिल्लामा हिमपातसँगै जनजीवन प्रभावित भएको छ । बुधबार साँझ नेपाल प्रवेश गरेको पश्चिमी वायुको प्रभावले देशभर चिसो बढेको छ । जल तथा मौसम विज्ञान विभागले पश्चिमी उच्च पहाडी र हिमाली भू–भागमा भारी हिमपातको सम्भावना रहेकाले विशेष सतर्कता अपनाउन आग्रह गरेको छ ।

यसका साथै आज काठमाडौँ उपत्यकासहित देशको पश्चिमी पहाडी भू–भागका केही स्थानमा हल्का वर्षाको सम्भावना रहेको मौसमविद् राजु प्रधानाङ्गले बताए । देशको पश्चिमी भू–भागका केही स्थानमा हावाहुरी आउने सम्भावना पनि छ, उनले भने ।

पश्चिमी वायुको प्रभावले देशभरको जनजीवन प्रभावित भएको छ । पश्चिमी वायुको प्रभावले एक्कासी बिग्रिएको मौसम शनिबार बेलुकाबाट क्रमश सुधार हुँदै जाने बताइएको छ । राति देशभर सामान्य बदली रही पश्चिमी भेगका केही स्थानहरुमा मेघ गर्जनसहित हल्का वर्षा साथै पश्चिमी उच्च पहाडीसहित हिमाली भू–भागमा भारी हिमपातको सम्भावना रहेको जनाएको छ ।

भोली देशभर आंशिकदेखि सामान्य बदली रही केही स्थानहरुमा हल्का वर्षा हुने छ । आइतबार देशको पश्चिमी भू–भागमा सामान्य बदली र मध्य तथा पूर्वका पहाडी भू–भागमा आंशिकदेखि सामान्य बदली रही पश्चिमको केही स्थानहरुमा साथै मध्य र पूर्वका पहाडी भू–भागमा हल्का वर्षाको सम्भावना रहेको मौसम पूर्वानुमान महाशाखाले जनाएको छ ।

महाशाखाको पछिल्लो विवरणअनुसार आज काठमाडौँ उपत्यकाको न्यूनतम तापक्रम ८ दशमलव शून्य डिग्री र अधिकतम तापक्रम १६ दशमलव २ डिग्री सेल्सियस रहेको छ ।

कति छ आज काठमाडौँ उपत्यकाको न्यूनतम तापक्रम ?

वडा समाचारहरु