नक्कली भिसा बनाएर ठगी गर्ने गिरोह सक्रिय, सचेत रहन आग्रह

नक्कली भिसा बनाएर ठगी गर्ने गिरोह सक्रिय, सचेत रहन आग्रह

काठमाडौं– माल्दिभ्समा वैदेशिक रोजगारीमा श्रमिक पठाउने नाममा नक्कली भिसा र कागजात बनाएर ठगी गर्ने गिरोह सक्रिय रहेको वैदेशिक रोजगार विभागले जानकारी दिएको छ ।

रोजगारीका लागि माल्दिभ्स जान खोज्न युवालाई यर्थात नबुझी पैशा र राहदानी कसैलाई नबुझाउन विभागले अपिल गरेको छ । माल्दिभ्सको राम्रो ‘डिमाण्ड’ छ भन्दै रोजगारीको खोजीमा रहेका युवालाई नक्कली डिमाण्ड देखाएर आर्थिक ठगी भइरहेको विभागको जनाएको छ ।

माल्दिभ्स रोजगारीमा जान कसैलाई पासपोर्ट दिनुभएको छ भने भिसा र कागजात पक्का भएपछि मात्रै आर्थिक कारोबार गर्न विभागका महानिर्देशक भीष्मकुमार भुषालले आग्रह गरे ।

माल्दिभ्स रोजगारीमा जान आर्थिक कारोवार कसैले गरेको भए सम्बन्धित निकायमा गएर आफ्नो कागजात देखाएर बुझ्न पनि उनले अग्रह गरेका छन् । पछिल्लो समय माल्दिभ्सको रोजगारीमा पठाउने भन्दै केही म्यानपावर कम्पनी तथा व्यक्तिले नक्कली डिमाण्ड बनाएर ठूलो आर्थिक ठगी गरिरहेको उजुरी विभागमा पर्ने गरेको छ ।

Loading...

वडा समाचारहरु

सम्बन्धित समाचारहरु