हिरासत तोडेर २ भारतीय थुनुवा फरार

हिरासत तोडेर २ भारतीय थुनुवा फरार

चन्द्रगढी– नेपाल प्रहरीको हिरासतबाट २ जना भारतीय थुनुवा फरार भएका छन् ।

जिल्ला प्रहरी कार्यालय झापाको हिरासतमा रहेका २ भारतीय फरार भएका हुन् । प्रहरीका अनुसार २ जना भारतीय थुनुवा हिरासत कक्षको ताता फोडेर फरार भएका हुन् ।

भारतीय राज्य पश्चिम बंगालअन्तर्गतको दार्जिलिङ जिल्ला घर भएका २९ वर्षीय गणेश मण्डल र २६ वर्षीय गणेश कामती प्रहरीको हिरासतबाट भागेका हुन् ।

उनीहरुलाई चोरी मुद्दामा नियन्त्रणमा लिएर अनुसन्धान थालिएको थियो ।

जिल्ला प्रहरी कार्यालय झापाका प्रमुख प्रहरी उपरीक्षक (एसपी) दिनेश मैनालीले फरार भएका दुवै थुनुवाको खोजी जारी रहेको जानकारी दिए । उनीहरु भारत जानसक्ने भएकाले सीमा नाकामा कडाइका साथ चेकजाँच भइरहेको मैनालीले जानकारी दिए ।

मैनालीका अनुसार भारतीय थुनुवाहरु फरार भएको घटनाको अनुसन्धानका लागि आन्तरिक छानबिन समिति समेत गठन गरिएको छ ।

Loading...

वडा समाचारहरु

सम्बन्धित समाचारहरु

%d bloggers like this: