वार्नरको शतकमा अस्ट्रेलियाद्वारा पाकिस्तानलाई ३०८ रनको लक्ष्य

वार्नरको शतकमा अस्ट्रेलियाद्वारा पाकिस्तानलाई ३०८ रनको लक्ष्य

काठमाडौं– आईसीसी एकदिवसीय अन्तर्राष्ट्रिय विश्वकप क्रिकेट प्रतियोगितामा अस्ट्रेलियाले पाकिस्तानलाई ३ सय ८ रनको लक्ष्य दिएको छ । काउन्टी ग्राउण्डमा भएको खेलमा टस हारेर पहिलो ब्याटिङ गरेको अस्ट्रेलियाले ४९ ओभर खेलेर सबै विकेट गुमाउँदै ३ सय ७ रन बनाएको हो । पाकिस्तानविरुद्ध अस्ट्रेलियाले उत्कृष्ट शुरुवात गरेको थियो ।

तर, पछि लगातार विकेट जाँदा अस्ट्रेलियाले पाकिस्तानविरुद्ध ३ सय ८ रनको लक्ष्य दिएको हो । ओपनिङ ब्याट्सम्यान डेभिड वार्नर र आरोन फिन्चले १ सय४२ रनको उत्कृष्ट ब्याटिङ इनिङ्स खेलेका थिए । जसमा वार्नरले शतक पुरा गरे । उनले १ सय ११ बल खेल्दै १ सय ७ रन बनाए भने कप्तान फिन्चले ८४ बलमा ८२ रन बनाए । यस्तै, साउन मार्सले २३ रन, ग्लेन म्याक्सवेल र एलेक्स क्रेयले समान २०–२० रन बनाए ।

अस्ट्रेलियाविरुद्ध पाकिस्तानले ओपनिङ ब्याटिङ साझेदारी तोड्न समय लागे पनि मध्येक्रममा भने राम्रो कम ब्याक गरेको थियो । जसमा पाकिस्तानका मोहम्मद आमिरले सर्वाधिक ५ विकेट लिए । उनले १० ओभर बलिङ गरेर ३० रन खर्चिदै ५ विकेट लिएका हुन् । यस्तै, पाकिस्तानका लागि साहेन अफ्रिदीले २ विकेट लिँदा हसन अलि, वाहब रिआज र मोहम्मद अफेजले समान १–१ विकेट लिए ।

Loading...

वडा समाचारहरु

सम्बन्धित समाचारहरु