अमेजन बन्यो विश्वसनीय अनलाइन ब्राण्ड

अमेजन बन्यो विश्वसनीय अनलाइन ब्राण्ड

एजेन्सी– इन्टनेटको माध्यमबाट गोप्य जानकारी चुहावट तथा गोपनियता भंग भएका घटना बढी रहेको अवस्थामा ई–कमर्स कम्पनीहरु तथा सामाजिक सञ्जालहरु भने विश्सनीय ब्राण्डको रुपमा स्थापित हुन थालेका छन् ।

रिसर्च कम्पनी टिआरए (ट्रस्ट रिसर्च एड्भाइजरी) को हालै सार्वजनिक एक रिपोर्टअनुसार भारतलगायत अन्य मुलुकमा ई–कमर्स कम्पनी अमेजन इन्टरनेटमा विश्वसनीय ब्राण्डको रुपमा स्थापित भएको देखिएको छ ।

अमेजनपछि गुगल र फेसबुकले विश्वसनीय ब्राण्डको स्थान प्राप्त गरेका छन् । डेटा एनालिसिस कम्पनीको ब्राण्ड ट्रस्ट रिपोर्ट २०१९ अनुसार सर्वेक्षणमा ३२ इन्टरनेट ब्राण्डलाई सामेल गरिएको छ । यसमा फेसबुकको स्वामित्व रहेको म्यासेजिङ्ग एप कम्पनी वाट्स एपलाई पछि पार्दै भारतमा म्यासेजिङ्ग एप हाइक चौथो स्थानमा रहेको छ । वाट्स एप भने दशौँ स्थानमा छ ।

यस्तै अनलाइन रुम बुकिङ्ग गर्ने सेवा प्रदायक भारतीय कम्पनी ओयो रुप पाँचौँ स्थानमा रहेको छ । पछिल्लो अध्ययनले इन्टरनेटमार्फत वस्तु तथा सेवा उपलब्ध गराउने सुविधाप्रति उपभोक्ताको विश्वास बढ्दै गएको देखिन्छ । यसले भविष्यमा अनलाइन सेवा थप प्रभावकारी हुने अध्ययनले देखाएको छ । यसका साथै यस्ता अनलाइन सेवा प्रदायकको व्यापार पनि दिनप्रति दिन बढ्दै गएको छ ।

वडा समाचारहरु

सम्बन्धित समाचारहरु