उद्योगमन्त्रीले भने– “घुस खान नपाएका कांग्रेसी कर्मचारीले अनावश्यक बखेडा झिके”

उद्योगमन्त्रीले भने– “घुस खान नपाएका कांग्रेसी कर्मचारीले अनावश्यक बखेडा झिके”

काठमाडौं– उद्योग वाणिज्य तथा आपूर्ति मन्त्री मातृका यादवले कर्मचारीको हक हितमा काम गरिरहेका बेला नेपाली कांग्रेस पक्षधर कर्मचारी युनियनका नेताहरुले कार्यकक्षमै अनावश्यक भाँडभैलो मच्चाएको प्रतिक्रिया दिएका छन् ।

बुधबार दिउँसो मन्त्रालय कार्यकक्षमा हात हालाहाल भएको विषयमा खबरहबसँग कुरा गर्दै मन्त्री यादवले भने, ‘कांग्रेस पक्षधर कर्मचारीका नेताहरुलाई घुस खाने ठाउँ चाहिएको रैछ, त्यही विषयमा अनावश्यक बखेडा झिके, अरु केही होइन ।’

‘सचिवालयमा कर्मचारी नेताहरु आएर अनेक बहाना झिक्दै बबाल मच्चाइरहेको थिए,’ मन्त्री यादवले भने, ‘यो नेतागिरी गर्ने ठाउँ होइन भन्न नपाउन्दै उनीहरुले म माथि आक्रोश पोखे । जाइलाग्न खोजे ।’

यसअघि सरुवाको विषयलाई लिएर मन्त्रीमाथि हातपात भएको भन्दै प्रकाशन भएका समाचारका विषयमा मन्त्री यादवले केही डिजिटल पत्रिकाहरुले अतिरञ्जना फैलाउन खोजेपनि वास्तविकता त्यो तहको नभएको प्रतिक्रिया दिए ।

नेकपा निकट विनोद खड्कालाई उद्योग विभागमा घुस लिएर सरुवा गरेको आरोप लगाउँदै कांग्रेस निकट कर्मचारीहरु युनियनका नेताहरु मन्त्रीको कार्यकक्ष घेर्न पुगेपछि दिउँसो मन्त्रालय कार्यकक्षमै विवाद भएको थियो ।

वडा समाचारहरु

सम्बन्धित समाचारहरु