मेयर शाक्यले भने– “प्रधानमन्त्री रोजगारी कार्यक्रमले बेरोजगारी समस्या समाधान गर्छ”

मेयर शाक्यले भने– “प्रधानमन्त्री रोजगारी कार्यक्रमले बेरोजगारी समस्या समाधान गर्छ”

काठमाडौं– काठमाडौं महानगरपालिकाका मेयर विद्यासुन्दर शाक्यले सरकारले चालु आर्थिक वर्षदेखि सञ्चालनमा ल्याएको प्रधानमन्त्री रोजगार कार्यक्रमले बेरोजगारी समस्या समाधान गर्ने बताएका छन् ।

सोमबार महानगरपालिकाले प्रधानमन्त्री रोजगार कार्यक्रमका लागि बजेट विषयक अन्तक्रिया कार्यक्रममा बोल्दै मेयर शाक्यले प्रधानमन्त्री रोजगार कार्यक्रमले देशभित्र समस्याका रुपमा देखा परेको बेरोजगारीदर अन्त्य गर्न सहयोग पुग्ने बताए ।

‘सरकारले देशभित्र नै रोजगारीका सिर्जन गर्ने विषेश पहल गरिरहेको छ । यसमा स्थानीय तहले सहयोग गर्नुपर्छ । रोजगारीसँग आर्थिक समृद्धि जोडिएको छ ।’ उनले भने, ‘हाम्रा युवाले देशभित्र काम गर्ने पाउनुपर्छ । रोजगारीका लागि भौतारिनु हुँदैन । सरकारले रोजगारी सिर्जनासँगै कामको ग्यारेन्टी गर्नुपर्छ ।’

सरकारले देशभित्र नै रोजगारीका अवसर सिर्जना गर्ने प्रधानमन्त्री रोजगार कार्यक्रम सञ्चालनमा ल्याएको श्रम, रोजगार तथा सामाजिक सुरक्षा मन्त्रालयका उपसचिव लोकनाथ भुषालले बताएका छन् ।

श्रम मन्त्रालयले रोजगारीका अवसर सिर्जना गर्ने मात्र होइन रोजगारी नभए सीपमुलक तालिम र युवालाई उद्यामी बनाउनका लागि पनि विषेश योजना ल्याउने उनको भनाइ थियो ।

यस्तै, सरकारले प्रधानमन्त्री रोजगार कार्यक्रमबाट युवालाई देशभित्र काम उत्साह गराउने र रोजगारीको खोजीमा विदेश जानुपर्छ भने भावानामा परिवर्तन ल्याउन काठमाडौं महानगरपालिका प्रशासन प्रमुख केदर न्यौपाने बताएका छन् ।

महानगरपालिकाले महानगरभित्र काम गरिरहेका युवालाई योगदानमा आधारिक सामाजिक सुरक्षाका कार्यक्रममा लैजान सवै रोजगारदातालाई अपिल पनि गरेका छ ।

वडा समाचारहरु

सम्बन्धित समाचारहरु