ओभर लोड बोक्ने ट्रकमाथि कारबाही, दुई दिनमा १० ट्रक नियन्त्रणमा

ओभर लोड बोक्ने ट्रकमाथि कारबाही, दुई दिनमा १० ट्रक नियन्त्रणमा

रौतहट– ट्राफिक प्रहरी रौतहटले क्षमताभन्दा बढी भार बोकेर आउने १० वटा मालबहाक ट्रकलाई नियन्त्रणमा लिएको छ । दुई दिनमा दश वटा भन्दा बढी मालबाहक ट्रकलाई नियन्त्रणमा लिएको जिल्ला ट्राफिक प्रहरी कार्यालय रौतहटले जनाएको छ ।

जरिवाना काट्दै ‘ओभरलोड’ छाड्दै आएको ट्राफिक प्रहरीले यसपटक भने क्षमताभन्दा बढी बोक्ने ट्रकको सामान खन्याई अर्को ट्रकमा लैजानुपर्ने भन्दै ओभरलोड ट्रक सञ्चालनमाथि कडाई गरेको हो ।

नेपालको सडकको बाटो अनुसार सडक डिभिजनले ६ चक्के ट्रकले १० टन, १० चक्के ट्रकले १७ टन, १२ चक्के ट्रकले २१ टन र १४ चक्के ट्रकले २५ टनसम्मको सामान लोड मालबाहक ट्रक संचालन गर्न मापदण्ड निर्धारण गरेको छ ।

यसविपरित लामो समयदेखि निर्वाधरुपले क्षमता भन्दा बढी (ओभरलोड) मालसामान लोड गरी सञ्चालन हुँदै आएका मालबाहक सबारी साधन लाई राजमार्गमा रहेका ट्राफिक प्रहरीले जरिवाना लिदै सञ्चालनमा छुट दिँदै आएका थिए ।

तर अहिले प्रहरीले ओभरलोड सामान ल्याएर आउने मालबहाक ट्रकलाई मात्र नभएर ट्रकको ढालाभन्दा माथि सामान हालेर ल्याउनेहरुलाई समेत कडाई गरेको छ ।

गाईभैसी पालक किसानहरुले पराल, भुसा लोड गर्दा ट्रकहरुमा ढाला भन्दा माथि ल्याउने गरेका छन्।

वडा समाचारहरु

सम्बन्धित समाचारहरु