५ लाख भन्दा बढीको शेयर कारोबारमा प्यान अनिवार्य हुनुपर्ने

५ लाख भन्दा बढीको शेयर कारोबारमा प्यान अनिवार्य हुनुपर्ने

काठमाडौं– सोमबारदेखि ५ लाखभन्दा माथिको शेयर कारोबारमा स्थायी लेखा नम्बर (प्यान) लागू भएको छ । नेपाल धितोपत्र बोर्डको आग्रहमा नेपाल स्टक एक्सचेञ्जले सोमबारदेखि धितोपत्रको कारोबारमा प्यान लागू गरेको हो । ५ लाखभन्दा कम कारोबार गर्नेलाई भने प्यान लागू हुने छैन ।

धितोपत्रको दोस्रो बजारमार्फत कारोबार गर्नका लागि बोर्डले गत कात्तिक १२ गते आवश्यक निर्णय गरी कार्यान्वयनका लागि स्टकलाई निर्देशन दिएको थियो । सोही आधारमा लगानीकर्ताको सहजीकरणका लागि स्टकले स्थायी लेखा नम्बर दर्ता सहजीकरण डेस्कसमेत खडा गरेको थियो ।

पछिल्लो पटक चैत १२ गते लगानीकर्ताको माग र सरोकार भएका निकायको ध्यानाकर्षणपछि रु पाँच लाखभन्दा कम कारोबार गर्नेलाई भने ऐच्छिक रुपमा मात्रै प्यान लागू हुने व्यवस्था गरिएको छ । शेयर बजारलाई थप व्यवस्थित बनाउने लक्ष्यका साथ प्यान लागू गरिएको स्टकले जनाएको छ ।

वडा समाचारहरु

सम्बन्धित समाचारहरु