गत शुक्रवार नेपालमा एकसाथ दुई फिल्म रिलिज, तर हिरो गुमनाम !

गत शुक्रवार नेपालमा एकसाथ दुई फिल्म रिलिज, तर हिरो गुमनाम !

काठमाडौं– गत शुक्रवार नेपालमा एकसाथ दुई फिल्म रिलिज गरिए । ‘ए मेरो हजुर ३’ र ‘यात्रा’ एकसाथ सिनेमा घरमा रिलिज भए । फिल्ममा अनमोल केसी र सलिनमान बनियाको निकै चर्चा गरियो ।

फिल्मबाट डेब्यु नायिकाद्वय सुहाना थापा र मलिका महतको पनि निकै चर्चा भयो । तर, दुवै फिल्ममा मुख्य भूमिका निभाएका सलोन बस्नेतको भने कहीँकतै चर्चा भएन । यतिबेला उनी दुवै फिल्मको प्रतिक्रिया लिनमा व्यस्त छन् ।

फिल्म ‘ए मेरो हजुर ३’ मा सलोन अनमोल केसीको साथी बनेर अभिनय गरेका छन् । फिल्ममा उनी मुख्य भूमिकामा नै छन् । फिल्ममा उनलाई इन्जिनियर विद्यार्थीका रुपमा देखाइएको छ । जो सानैदेखि प्रेम (अनमोल केसी) सँग साथी बनेका छन् । अभिनयका हिसाबले उनको अभिनयको पनि तारिफ गरिएको छ ।

संयोग नै भन्नुपर्छ, हलमा रिलिज भइरहेको सलोनको अर्को फिल्म ‘यात्रा’ मा पनि उनको मुख्य भूमिका छ । र, सलोन एक पात्रको सानैदेखिको साथी हुन्छन् । यो फिल्ममा सलोनको चरित्र ‘ए मेरो हजुर ३’ को भन्दा फरक पनि छ ।

सलोनले मुख्य भूमिका निभाएका एकसाथ दुई फिल्म रिलिज भए पनि उनी गुमनाम छन् । उनको खासै चर्चा छैन । जबकि, सलोन पनि अनमोल केसीसँगै उदाएका अभिनेता हुन् ।

हलमा दुई फिल्मले व्यापार गरिरहँदा पनि आफ्नो चर्चा नहुँदा सलोनलाई पनि नमज्जा नै लाग्दो हो पक्कै ! सलोनले पनि आफ्नो करिअरलाई ख्याल गरेर राम्रा भूमिकामा काम गर्ने हो भने उनलाई अझ फाइदा हुने थियो कि !

वडा समाचारहरु

सम्बन्धित समाचारहरु