७० लाख बराबरको चोरीका सामानसहित काठमाडौंबाट तीन जना पक्राउ

७० लाख बराबरको चोरीका सामानसहित काठमाडौंबाट तीन जना पक्राउ

काठमाडौं– ठूलो परिमाणमा चोरीका सामानसहित प्रहरी काठमाडौंका विभिन्न स्थानबाट तीन जनालाई पक्राउ गरि सार्वजनिक गरेको छ ।

महानगरीय प्रहरी परीसर महाराजगञ्जको टोलीले विभिन्न समयमा गरी करिव ७० लाख बराबरको धनमाल चोरी गरेको आरोपमा दुई भारतीय नागरिक सहित तीन जनालाई पक्राउ गरि सार्वजनिक गरेको हो ।

पक्राउ पर्नेमा भारत मोतिहारीका पारस प्रसाद, भारत समस्तिपुरका सन्तोष पोद्दार र रामेछापका ओमराज श्रेष्ठ छन् । घटनामा संलग्न अन्य चारजना भने फरार रहेको महानगरीय प्रहरी परिसरका एसपी अशोक सिंहले बताए । प्रहरीले उनिहरुको साथबाट शौचालयमा प्रयोग हुने ब्राण्डेड कम्पनिका धारा तथा अन्य पार्टपुर्जा लगाएत हार्डवेयर सामाग्रीहरु बरामद् गरेको छ ।

त्यसैगरी उनिहरुका साथबाट ९ किलो ५०० ग्राम चाँदी र ७० हजार नगद समेत बरामद गरेको छ । त्यस्तै बा१ज ११९२ नंम्बरको ट्याक्सी, बा १४ च ७२६९ नंम्बरको मारुती भ्यान र बा ८० प १५४० नम्बरको १५० सीसीको पल्सर मोटरसाईकल समेत बरामद् भएको छ । चोरीमा संलग्नहरुले काठमाडौंका विभिन्न हार्डवेयर, ज्वेलर्स, फेन्सी पसल लगायत स्थानमा दिउँसो रेकी गर्ने र रातीको समयमा चोरी गर्ने गरेको प्रहरीले जनाएको छ ।

प्रहरीका अनुसार अहिले पक्राउ परेको गिरोहले गत असोजमा भक्तपुरको कमलविनायक, कात्तिका काठमाडौंको कपन, मंसिरमा ललितपुर हरिशिद्धि र काठमाडौंको विशालनगर माघमा ललितपुर ईमाडोलमा रहेको हार्डवेयर र फेन्सी पसलमा चोरी गरेको प्रहरी अनुसन्धानबाट खुलेको छ । पक्राउ परेका अभियुक्त विरुद्ध चोरी तथा डाँका कसुर शीर्षकमा म्याद थप भई अनुसन्धान भइरहेको प्रहरीले जनाएको छ ।

वडा समाचारहरु

सम्बन्धित समाचारहरु