Breaking News

विद्याकी देवी सरस्वतीको हातमा ल्यापटप राखिदिएपछि…

विद्याकी देवी सरस्वतीको हातमा ल्यापटप राखिदिएपछि…

जनकपुरधाम– बाघमा चढेकी महिलाको प्रतिमालाई सरस्वती माताको नाम दिएर जनकपुरधामका युवाहरुको एक समूहले पूजा गरेपछि आलोचना सुरु भइरहेको छ ।

युवाहरुको जमातले बाघमाथी बसेकी सरस्वतीको हातमा ल्यापटप राखिदिएका छन् । स्थानीय जनक चोकमा बनाइएको बाघ चढेकी सरस्वतीको प्रतिमा अगाडि सेल्फी लिने युवाहरुको भिड लागेको छ भने बुद्धिजिवी एवं साँस्कृतिविदले हिन्दू धर्म एवं मिथिला साँस्कृति माथि खेलवाड भएको टिप्पणी गरेका छन् ।

विद्याकी देवी सरस्वतीलाई शान्त र सौम्य स्वभावको भनी हिन्दू धर्ममा वर्णन गरिएको छ । उनको वाहन हंसलाई भनिएको छ । तर, बाघमाथि सरस्वतीको प्रतिमा बसाइदिने, पूजामा भड्किला गीत घन्काएर अशान्ति मचाउनेजस्ता क्रियाकलाप विकृत मानसिकताको उपज रहेको नेपाली एवं मैथिली साहित्यका वरिष्ठ साहित्यकार प्राध्यापक राजेन्द्र विमल बताउँछन् । – आजको राजधानी दैनिकबाट

वडा समाचारहरु

सम्बन्धित समाचारहरु