Breaking News

मुलुकी ऐनको विरोधमा यातायात हडतालका कारण देशभर सवारी ठप्प

प्युठान– नयाँ मुलुकी ऐनले यातायात व्यवसायीहरुलाई अंकुश लगाउने कोशिष गरेको भन्दै देशैभरका यातायात व्यवसायीले यातायात ठप्प पारेका छन । सार्वजनिक यातायात मजदुरहरुले तीन दिन देखि देशभरमा गाडी चलाएका छैनन् । मुलुकी ऐनको केहि बुँदाहरुको संशोधनको माग गर्दै यातायात ब्यवसायीहरु आन्दोलित भएका हुुन । उनीहरुले सवारी साधान एक ठाउँमा थन्काएर आन्दोलनमा उत्रेका छन ।

यस्तै केन्द्रीय निर्देशन भन्दै प्यूठानका यातायात ब्यवसायीहरुले पनि सवारी साधान ठप्प पारेका छन् । चार्ड पर्वको समयमा गाडी बन्द हुँदा यात्रुहरु मर्कामा परेका छन् । अधिकांश गाडी मालिकले आफना गाडी घर र ग्यारेजमा थन्क्याएका छन् । दशै नजिकिए संगै घर तिर जाने यात्रु बस पार्कमा अलपत्र परेका छन । यस्तै सवारी चालकलाई सरकारले अपराधी सरह व्यवहार गरेको यातायात व्यवसायीको आरोप छ ।

अव सवारी पेशालाई परित्याग गर्दै कामको सिलसिलामा वैदेशिक रोजगारमा जाने तयारी गरेको यातायात ब्यवसायी प्रल्हादभक्त श्रेष्ठले वताएका छन् । नयाँ ऐनको विरोध गर्दै चालकहरुले नेपाल यातायात स्वतन्त्र चालक सघर्ष समिति गठन गरेर आन्दोलन सुरु गरेका हुन् । ऐनमा चालकलाई घुमाई घुमाई जेलमा हाल्ने षडयन्त्र भएको यातायात ब्यवसायी सुरेशचन्द्र श्रेष्ठको जिकिर छ ।

चिकित्सकसहित बिभिन्न पेशामा भएकाहरुको माग सुनुवाई भएपनि आफुहरुको माग सुनुवाई नभएकों यातायात व्यवसायीहरुको गुनासो छ । चालक तथा ब्यवसायी हरि खडकाले ऐन परिमार्जन भएर गरिखाने वाटो खुलेमात्रै यातायात सञ्चालनमा ल्याउने नत्र अन्य पेशा अंगाल्ने बताए । उनले चालकहरु असुरक्षित भएको भन्दै चाबी छाडेर वसेको वताए ।

यता यातायात ब्यवसायीको आन्दोलनका कारण चार्डपर्वमा नजिकेका यात्रुहरुले यातायात सेवा बन्द हुदामा सास्ती खेप्नु परेको छ । चार्डपर्व नजिकियो भनेर घर निस्केको तर यातायात बन्दका कारण आफु बाटोमै थन्कन परेको याुत्रुहरुको गुनासो छ । अपराध संहितामा कुनै पनि घटना दुर्घटना गराए घटना दुर्घटनाको कसुर बमोजिम चालकहरुलाई ५ देखि १२ बर्षसम्मको जेल सजायको व्यवस्थाविरुद्व यातायात व्यवसायी सवारी थन्क्याएर आन्दोलनमा उत्रिएका हुन् ।

वडा समाचारहरु

सम्बन्धित समाचारहरु